آکلینڈ۔21مارچ(اے پی پی)پاکستان ٹیم نیوزی لینڈ کوں تریڄھے ٹی 20 میچ اچ ہرا تے ورلڈ ریکارڈ ٻݨا ݙتے اتے او ٹی 20 انٹرنیشنل فارمیٹ اچ ڳھٹ توں ڳھٹ اووراں اچ 200 توں ودھ رنز دا ہدف پورا کرݨ آلی ٹیم ٻݨ گئی۔ نیوزی لینڈ پاکستان کوں جیتݨ کیتے 205 رنز دا ہدف ݙتا ہا ڄیڑھا قومی ٹیم پورے 16 اوورز اچ پورا کر ڳھدے۔ پاکستان ولوں حسن نواز 105 اتے سلمان آغا 51 رنز ٻݨا تے ناٹ آؤٹ رہین ڄݙاں جو اوپنر محمد حارث 41 رنز ٻݨائن۔ حسن نواز کوں مین آف دی میچ قرار ݙتا ڳئے۔
