لاہور۔24مارچ (اے پی پی) پی ڈی ایم اے رمضان المبارک دے چھیکڑی عشرے اچ بارشاں دا الرٹ جاری کر ݙتے۔ ترجمان پی ڈٰ ایم اے موجب محکمہ موسمیات پیش گوئی کیتی اے جو 25 توں 27 مارچ تئیں صوبے دے کئی ضلعے سرگودھا، میانوالی، خوشاب ، منڈی بہائوالدین ، لاہور ،شیخوپورہ ،حافظ آباد ،گجرانوالہ ،گجرات، سیالکوٹ، نارووال، فیصل آباد، ٹوبہ ٹیک سنگھ ،ملتان، ڈیرہ غازی خان، راجن پور ،بہاولپور ،خانیوال، لیہ، بھکر ،ساہیوال اتے پاکپتن وی مینہ وسسے۔ پی ڈی ایم اے پورے صوبے دی انتظامیہ تے ریسکیو ادارے متوقع بارشاں بارے الرٹ جاری کر ݙتے۔ ڈی جی پی ڈی ایم اے عرفان علی کاٹھیا آکھیا جو پی ڈی ایم اے کنٹرول روم اچ صورتحال دی مانیٹرنگ مسلسل جاری اے۔ ایمرجنسی صورتحال اچ پی ڈی ایم اے ہیلپ لائن 1129 تے کال کرن۔
