اسلام آباد۔3اپریل(اے پی پی) وفاقی وزیر صحت سید مصطفیٰ کمال آکھئے جدید ٹیکنالوجی توں دوائیں تے علاج دیاں سہولتاں عوام دے دروازے تے پڄیسوں ،صحت دے شعبے اچ کوتاہی برداشت نہ کیتی ویسی ۔ او پمزہسپتال دے دورے تے صحافیاں نال ڳالھ مہاڑ کریندے پئے ہن انہاں آکھئے وزارت صحت میں سانڳے پُھلاں دی سیجھ کائنی ، صحت دے شعبے اچ کوتاہی برداشت نہ کریسوں کیوں جو ایں شعبے اچ غلطی دا ازالہ ممکن کائںی۔انہاں آکھئے پمز اچ جاری منصوبیں تے تکھے کم تھیندا پئے، اساں ہمیشہ اپݨی ذمہ واری کوں ھک چیلنج وانڳوں نبھائے ،جدید ٹیکنالوجی توں دوائیں تے علاج دیاں سہولتاں عوام دے دروازے تے پڄیسوں، میں عملی اقدامات تے یقین رکھینداں ،صحت دے شعبے تے چنڳی توجہ ݙیوݨ دی لوڑھ اے ، آںدے ݙینھاں اچ ایں شعبے اچ مثبت تبدیلیاں نظرآسن۔انھاں آکھیے جدت طرازی اتے مثبت اصلاحات متعارف ،بنیادی صحت دے مرکز کوں جدید اتے مکمل انداز اچ فعال کریسوں ۔انہاں آکھئے اساکوں ٹیلی میڈیسن دے پاسے ونڄݨا اے ،ھک مریض ھک آئی ڈی دے نظام کوں متعارف کراوݨ سانڳے کم کریندے پیوں انہاں آکھئے میݙی زندگی لوکاں دے سامݨے ہے ، 23 سال پہلے ایم پی اے اتے 20 سال پہلے میئر کراچی بݨیا۔ انہاں آکھئے صحت دا محکمہ ساریں توں ودھ خطرناک اے ، روڈز دے محکمے اچ روڈ ول بݨ ویسی ، تعلیم ریکور تھی سڳدی اے ،غلطی دا ازالہ ہر جاہ تھی سڳدے ۔وفاقی وزیر آکھئے صحت دا شعبہ اللہ دی مخلوق نال جُڑیا ہویا اے ، انسان جݙاں تکلیف اچ ہوندے تاں ہسپتال آلے پاسے آندے، غریب سرکاری ہسپتال اچ آندے ، امیر پرائیویٹ ہسپتال ونڄ سڳدن ۔مصطفیٰ کمال آکھئے شعبہ صحت اللہ دی مخلوق نال جڑیا ہویا اے اساں اتھاں لوکاں دیاں بدعاواں نی گھنݨیاں ، اے امتحان اے جئیں توں کامیابی نال گزرݨ چاہندوں ،جدید دنیا کوں سامݨے رکھ تے ٹیلی میڈیسن تے ونڄݨا چاہیدے ، بنیادی مرکز صحت نہ ہووݨ دی وجہ توں لوک وݙے ہسپتالاں دا رخ کریندن ۔ انہاں آکھئے ساݙا مقصد گھر دی دہلیز تے دوا اتے ڈاکٹر مہیا کرݨے ہن، 2.1 ارب روپے دی لاگت توں ست آپریشن تھیٹر بݨائے ڳئن ، ایجھے جدید آپریشن تھیٹرزاچ سٹیٹ آف دی آرٹ سہولتاں ݙتیاں ویسن ،چیزاں آئیڈیل کائنی لیکن بہتری دی گنجائش موجود اے۔ انہاں آکھئے شعبہ صحت کوں پبلک پرائیویٹ پارٹنر شپ تے ݙیوݨ دا منصوبہ زیر غور کائنی ، ہیلتھ کارڈ تے آںدے ݙینھاں اچ کم کریسوں۔
