اسلام آباد۔3اپریل(اے پی پی سرائیکی نیوز) پاکستان پیپلز پارٹی میٹرو پولیٹن کارپوریشن بہاولپور دے وفد ڈویژنل جنرل سیکرٹری پی پی پی و ایم پی اے مخدوم سید عامر علی شاہ نال ملاقات کیتی، وفد دی قیادت صدر ملک امتیاز چنڑ کریندے پئے ہن وفد اچ سینئر نائب صدر عبدالقیوم ملک ،ڈپٹی جنرل سیکرٹری شاہ خضر حسن ،صوبائی نائب صدر منیارٹی ونگ پیٹر جان مٹو اتےعبدالرحمن مغل شامل ہن۔ وفد مخدوم سید عامر شاہ دی رہائش گاہ تے مسلح لوکاں دے حملہ آور تھیوݨ دی مذمت کیتی تے عامر علی شاہ نال مکمل یکجہتی دا اظہارکیتے تے یقین ݙیوائے جو پیپلز پارٹی دے کارکن اتے عہدیدار تساڈے رلے کھڑن ۔ ایں موقع تے مخدوم سید عامر شاہ آکھیے میݙے گھر کجھ عناصر حملہ کیتے او عناصر سݨ گھنن جو او میکوں ایں قسم دے ہتھکنڈیں توں ہراساں نی کرسڳدے تے میں آپݨی پارٹی دے کارکناں تے عہدیداراں کوں آکھداں جو تساں پرامن رہو قانون ہتھ اچ گھنݨ آلیں دے خلاف میں درخواست ݙے ݙتی اے تے میں امید کرینداں انتظامیہ ایں سلسلے اچ قانون موجب کاروائی کریسی ۔ جے انتظامیہ ایں پاسے توجہ نہ کیتی تے مسئلے دا حل نہ کڈھیا تاں تےر ملزمان دے خلاف مقدمہ درج کرتے گرفتار نہ کیتا تاں اساں احتجاج کرݨ دا حق محفوظ رکھیندوں وفد شہید سید علی حسن گیلانی دی روح دے ایثال ثواب سانڳے فاتحہ خوانی وی کیتی، ایں موقع تے ڈویژنل ڈپٹی انفارمیشن سیکرٹری رانا سلیم،سابق ٹکٹ ہولڈر صوبائی اسمبلی سید تطہیر الحسن، ضلعی انفارمیشن سیکرٹری فاروق مغل، پرویز چاچڑ صدر لیبر ونگ تحصیل احمدپور شرقیہ، تحصیل انفارمیشن سیکر ٹری احمد پور شرقیہ محمد انور ماہانہ تے وہاب قریشی موجود ہن۔(ڈاکٹرسعدیہ کمال)
