اسلام آباد۔7اپریل(اے پی پی سرائیکی نیوز)پاکستان سرائیکی پارٹی دا 37 واں یوم تاسیس7 اپریل کوں ملتان پریس کلب وچ منایا گیا۔ جئیں دی صدارت چیئرمین پارٹی محمد اکبرانصاری ایڈووکیٹ ہائی کورٹ کیتی تے ایں دی میزبانی مرکزی چیف وہپ پاکستان سرائیکی پارٹی ڈاکٹر سردار نعمان طیب چنگوانی تے ، مرکزی سیکرٹری جنرل ملک جاوید چنڑ ایڈووکیٹ کیتی۔ پاکستان سرائیکی پارٹی ولوں ملتان پریس کلب اچ بانی پارٹی بیرسٹر تاج محمد خان لنگاہ دا 12 ویں ورھیݨے دی تقریب تے بانی سیکرٹری جنرل پاکستان سرائیکی پارٹی منصور ترین دا تعزیتی ریفرنس رکھیا ڳیا۔ ایں موقع تے مرحوم بانی قائدین ریاض الحسن ہاشمی ایڈووکیٹ ، محمد افضل مسعود ،محمد اسلم رسولپوری، تے علامہ اقبال وسیم دی خدمات کوں خراج عقیدت پیش کیتا ڳیا۔ ملتان پریس کلب تقریب توں بعد نواں شہر ملتان چوک وچ پرامن دھرنا ݙتا ڳیا جئیں دا مقصد سرائیکی وسیب دے وسائل محرومیاں، صوبہ، اتے وکھو وکھ مسئلے نشابر کیتے ڳئے جیندے وچ ڈاکٹر سعدیہ کمال ، جام فیض اللہ ،مہر منور عباس میتلہ ، حاجی عبدالغفار چاچڑ ،سجاد اکبر ملکاݨی،ڈاکٹر احسان چنگوانی، حاجی جمیل بابر کلیانی، سید مہدی الحسن شاہ، سید غلام علی بخاری، اکبر خان کھوسہ، اشرف خان لنگاہ، امام بخش سکھیرا، غلام عباس خان ، چوہدری شہباز مڑل، جاوید شانی، راشد عزیز بھٹہ، ظہور دھریجہ، تے سرائیکستان قومی اتحاد دے چیئرمین خواجہ غلام فرید کوریجہ ڳالھ مہاڑ کیتی۔(ڈاکٹر سعدیہ کمال)
