اسلام آباد۔11اپریل(اے پی پی) وفاقی وزیر خزانہ و محصولات سینیٹر محمد اورنگزیب آکھیے سماجی ترقی دے عمل کوں تکھا کرݨ سانڳے سرکاری ونجی شعبہ دے اشتراک تے مبنی تکڑا پالیسی فریم ورک ناگزیر اے۔ ، غربت دا خاتمہ ، صحت و تندرستی، تعلیم و انسانی وسائل دی ترقی، آبادی دے استحکام اتے ماحولیاتی بہتری ترجیحی شعبہ جات ہن۔ انہاں اے ڳالھ وزیراعظم دی طرفوں بݨائی ڳئی سوشل امپیکٹ فنانسنگ کمیٹی دے اعلیٰ سطح دے اجلاس دی صدارت کریندے آکھی ۔اجلاس اچ اہم وفاقی وزارتاں، سٹیٹ بینک آف پاکستان، سکیورٹیز اینڈ ایکسچینج کمیشن آف پاکستان، ملک دی معروف مائیکروفنانس اداریں، فلاحی تنظیماں تے سوشلس امپیکٹ پارٹنرز دے سینئر نمائندگان شرکت کیتی۔اجلاس دا مقصد ھک جامع اتے دیرپا سوشلس امپیکٹ فنانسنگ حل دی تشکیل تے غور کرݨ ہئی جیڑھا جو پاکستان دے اہم ترقیاتی اتے ماحولیاتی چیلنجز نال نبݨݨ سانڳے تیار کیتا ویندا پئے۔ وفاقی وزیر خزانہ سوشلس امپیکٹ فنانسنگ فریم ورک دا مسودہ پیش کیتے جئیں اچ ایجھے جدید مالیاتی ذرائع متعارف کراوݨ دی حکمتِ عملی شامل اے جیڑھا جو قومی ترجیحات موجب ہوون تے پائیدار، مؤثر اتے ناپ تول تے مبنی ترقیاتی نتیجے دا حصول کوں ممکن بݨیسن خصوصاً پسماندہ اتے محروم طبقے سانڳے ۔ شرکاء فریم ورک دی ساخت، ترجیحی ستوناں، فنڈنگ میکانزم، خطریں توں بچاؤ دے طریقہ کار اتے طرزِ حکمرانی تے تفصیلی ڳالھ مہاڑ کیتی ۔ اجلاس اچ فنڈنگ ذرائع، عملدرآمد دی حکمتِ عملی، اتے پرفارمنس بیسڈ آلات جیھے امپیکٹ بانڈز، نتیجے نال مشروط گرانٹس، اتے گارنٹیز دے کردار تے وی ڳالھ مہاڑ کیتی ڳئی ۔ اجلاس اچ ھک اہم نکتہ اے رہیے جو فنڈنگ کوں وسائل دے بجائے نتیجے نال جوڑݨ دی لوڑھ اے تاں جو شفافیت اتے جوابدہی کوں یقینی بݨایا ونڄ سڳے ۔ وزیر خزانہ ایں ڳالھ تے زور ݙتے جو ھک تکڑا پالیسی فریم ورک، جیڑھا پبلک پرائیویٹ پارٹنرشپ تے مبنی ہووے، ناگزیر اے تاں جو پائیدار اتے قابلِ توسیع مداخلتاں ممکن تھی سڳن ۔
