اسلام آباد۔14 اپریل( اے پی پی)اسلام آباد دے نواحی علاقے بارہ کہو اچ لندن اکیڈمک پلانز سکول “لیپس” دی سالانہ تقریب تقسیم انعامات تھئی جیندے اچ سکول دے ہونہار طلبہ و طالبات اتے اساتذہ کوں شاندار کارکردگی تے شیلڈز و انعامات نال نوازا گئے۔
ننھے منے طلبہ ٻہوں سوھݨے ٹیبلوز پیش کرتے نا صرف تقریب کوں چار چندر لائن ٻھل شرکا کولو وی خوب داد ولھیٹی۔
تقریب اچ وݙی تعداد اچ سکول دے طلبہ وطالبات، تدریسی و معاون سٹاف، والدین، اہل علاقہ اتے مختلف طبقہ فکر دیاں شخصیات شرکت کیتی۔ تقریب نال خطاب اچ سکول ہذا دے روح رواں اتے ڈائریکٹر لیپس سکول (غوری کیمپس) سردارمحمد زبیر آکھیا جو بہترین ٹیم ورک اتے ٻالاں و والدین دی محنت اتے حوصلہ افزائی پاروں اے ادارہ اڄ پنڄویں واری کامیاب تقریب تقسیم انعامات کرویندا پئے، اساں تعلیم دے ودھارے، ٻالاں اچ شعور کھنݙاوݨ، معاشرے اچ ڄیوݨ دے قابل ٻݨاوݨ اتے جہالت دے اندھارے مٹاوݨ کیتے اپݨے حصے دا ݙیوا ٻلیندے راہسوں۔
انہاں تقریب کوں اپݨے مظلوم محکوم فلسطینی ٻھیݨیں ٻھراواں خاص کر غزہ دے معصوم ٻالاں دے ناویں کریندے آکھیے جو فلسطین اتے غزہ دے دربدر مکین عالمی برادری دی بے حسی، مسلم امہ دی بے اعتنائی اتے ستونڄھا اسلامی ممالک دے حکمراناں دی بے حمیت قیادت تے نوحہ کریندن، اساں اہل فلسطین توں پریں ضرور ہیں ٻھل ساݙے دل انہاں مجبور و لاچار ٻھیݨ ٻھراواں دے نال دھڑکدن۔
سردار محمد زبیر اے عزم کیتا جو لیپس سکول تیکھے اپݨے تعلیمی و تدریسی سسٹم کوں “اے آئی روبوٹک” اتے جدید خطوط تے ݙھالݨ کیتے نسل نو دی بہترین تعلیم و تربیت دا فریضہ ٹریندا رہسی۔ انہاں ادارے اچ دینی و جدید علوم دی ترویج دا اعادہ کریندے والدین دے تعاون دی وی تعریف کیتی۔
تقریب دے چھیکڑ اچ دار ارقم اسکولز دے ریجنل ڈائریکٹر زاہد بشیر ڈار ایڈووکیٹ، پی ایس ایم اے دے مرکزی و زونل صدر راجہ محمد ارشد اتے محمدصدیق سڈل، پی ای ایس دے زونل صدر راجہ خالدمحمود، معروف ماہرتعلیم عبدالسلام خان، پروفیسر قاری وقاراحمد عباسی، سینئرصحافی محمدادریس عباسی، ڈائریکٹر غزالی کالج محمد عامر نواز، سکالرزسکول سٹم دے محمد نظار عباسی، سماجی شخصیات محمداکرام عباسی، محمد نفیس عباسی، مختلف تعلیمی اداریاں دے سربراہان محمد کفایت اللہ خان، سوشل میڈیاایکٹیوسٹ محمد زعفران چیچی، لیپس سکول غوری کیمپس شبنم خلیل اتے ٻنھاں امتیازی پوزیشنز ڳھنݨ آلے ٻالاں اتے قابل اساتذہ کوں انعامات ونݙین۔(
