غزہ سٹی۔24اپریل (اے پی پی) غزہ اچ اسرائیلی فضائی حملیاں اچ 25 فلسطینی شہید ،کئی زخمی تھی ڳئے۔ اے ایف پی مقامی سول ڈیفنس بارے ݙسیا جو خمیس کوں شمالی غزہ شہر اچ ہک گھر تے اسرائیلی فضائی حملے اچ ہکے ٹٻر دے چھی بندے شہید اتے انہاں دا گھر تباہ تھی ڳئیا۔ غزہ اچ انڈونیشیا دے ہسپتال دے بیان موجب شمالی غزہ دے علاقے جبالیہ اچ ہک سابق پولیس سٹیشن تے حملے اچ9 فلسطینی شہید اتے کئی زخمی تھی ڳئے جڈانجو ہک خیمے تے فضائی حملے اچ پںج فلسطینی شہید تھی ڳئے۔ سول ڈیفنس بیان اچ آکھیا جو وسطی غزہ دے قصبے زوویدہ اچ اسرائیلی فضائی حملے اچ ہک ٻال سودھے ترائے بندے جاں بحق تے جنوبی شہر خان یونس اچ ہک گھر تے حملے اچ ݙو فلسطینی شہید تھی ڳئے۔ غزہ دی وزارت صحت موجب اسرائیل 18 مارچ توں غزہ اچ آپݨی فوجی کاروائیاں ولا شروع کیتن جئیں اچ 1978 فلسطینی شہید تھی ڳئن اتے جنگ شروع تھیوݨ توں ہݨ تئیں مرݨ آلیاں دی تعداد51,355 تھی ڳئی اے۔
