اسلام آباد۔24اپریل(اے پی پی)وفاقی وزیر تجارت جام کمال خان نال بلوچستان دے وزیر زراعت و کوآپریٹو میر علی حسن زہری ملین اتے باہمی دلچسپی دے امور، زراعت اتے تجارتی شعبیاں اچ تعاون سودھا بلوچستان اچ زرعی ترقی، مارکیٹ رسائی اتے زرعی اجناس دی بین الصوبائی و بین الاقوامی تجارت ودھاوݨ تے اقدامات تے ڳالھ کیتی۔ وفاقی وزیر تجارت یقین ݙیوایا جو وفاقی حکومت زرعی شعبے دی ترقی اتے مختلف شعبیاں اچ بہتری کیتے بلوچستان حکومت دا پورا ہتھ ونݙیسی۔ انہاں وفاق اتے صوبے وچال ادارہ جاتی روابط ودھاوݨ اتے مشترکہ منصوبیاں تے تیزی نال کم کرݨ تے زور ݙتے۔
