واشنگٹن ڈی سی ۔28اپریل (اے پی پی) وفاقی وزیر برائے خزانہ سینیٹر محمد اورنگزیب آکھیا جو پاکستان ہک اہم موڑ تے پڄ ڳئے جتھ معیشت بحالی اتے تبدیلی دی راہ تے ٹر پئی اے۔ اڄوکی حکومت مشکلات اچ پھتی معیشت کوں سنبھالیے، بنیادی ڈھانچے کوں مستحکم کیتے، اعتماد بحال کیتے اتے ترقی دا پندھ ولا شروع کیتے۔ اے ڳالھیں وفاقی وزیر خزانہ ہارورڈ یونیورسٹی اچ تھیوݨ آلی ’’پاکستان کانفرنس 2025‘‘نال خطاب اچ آکھی۔ آپݨے خطاب اچ وزیر خزانہ ’’فصلاں اتے ڳھٹکی اتے مستقبل دی تعمیر: پاکستان اچ شمولیتی ترقی اتے حکمرانی دا راستہ‘‘ دے موضوع تے روشنی پاتی اتے پاکستان معیشت اچ بہتری دے پندھ کوں اجاگر کیتے۔ وفاقی وزیر خزانہ محمد اورنگزیب آکھیا جو پاکستان ہک اہم موڑ تے پڄ ڳئے جتھ معیشت بحالی اتے تبدیلی دی راہ تے ٹر پئی اے۔ اڄوکی حکومت مشکلات اچ پھتی معیشت کوں سنبھالیے، بنیادی ڈھانچے کوں مستحکم کیتے، اعتماد بحال کیتے اتے ترقی دا پندھ ولا شروع کیتے۔ انہاں آکھیا جو پاکستان اچ ترقی دے وݙے موقع ہن، جینویں معدنی وسائل، آئی ٹی شعبے دی توسیع، گرین انرجی منصوبے اتے نینگر آبادی دے کاروباری جذبے تے وی روشنی پاتی۔ وزیر خزانہ آکھیا جو پاکستان قرضے دا جی ڈی پی توں تناسب 75 فیصد ڳھٹ کر تے 67.2 فیصد کر ݙتے اتے وچلی مدت اچ اینکوں سٹھ فیصد توں وی تلے ڳھن آوݨ دا ہدف اے۔ ماحولیاتی تبدیلی دے اثرات تے ڳالھ مہاڑ کریندیں ہوئیں انہاں بنیادی ڈھانچے اتے زراعت اچ ماحولیاتی مزاحمت شامل کرݨ دا عزم کیتا اتے آئی ایم ایف دے ریزیلینس اینڈ سسٹین ایبلیٹی فیسلٹی (RSF) اتے ورلڈ بینک دے کنٹری پارٹنرشپ پروگرام (CPF) کوں اہم سنگ میل قرار ݙتا۔
