اسلام آباد۔29اپریل (اے پی پی) وزیرِاعظم دے معاونِ خصوصی برائے صنعت و پیداوار ہارون اختر خان آکھیا جو صنعتی شعبے دی بحالی اتے برآمدات ودھاوݨ وزیراعظم دا وژن اے۔ برآمد کنندگان ملکی معیشت دی شہ رگ ہن۔ اے ڳالھیں انہاں منگل کوں آپݨٰی صدارت اچ وزیرِاعظم دی مینوفیکچرنگ سیکٹر دی برآمدات ودھاوݨ آلی کمیٹی دے اجلاس اچ آکھی۔ اجلاس اچ مینوفیکچرنگ سیکٹر دی برآمدات دے مسئلیاں تے غور کیتا ڳئیا۔ برآمدات اچ ڳھٹکی دی وجوہات، مہانگی بجلی، ودھ ٹیکس، ویلیو ایڈیشن دی ڳھٹکی تے بحث کیتی ڳئی۔ ہارون اختر خان آکھیا جو وزیراعظم دے وژن دے مطابق برآمدات پاکستان دی معیشت دی شہ رگ ہن۔ اجلاس اچ کمیٹی دے ممبراں آکھیا جو ٹیکنالوجی اپ گریڈیشن اتے بین الاقوامی معیارات دی پاسداری ٻہوں ضروری اے۔ ہارون اختر خان مسئلیاں دے حل کیتے ذیلی کمیٹیاں ٻݨا تے ذمہ داریاں وی ݙے ݙتی۔
