اسلام آباد۔2مئی (اے پی پی) وزیر خزانہ سینیٹر محمد اورنگزیب اوورسیز انویسٹرز چیمبر آف کامرس اینڈ انڈسٹری نال زوم ملاقات کیتی۔ معاشی اصلاحات اتے معاشی ترقی اچ نجی شعبے دے راہنما کردار تے اتفاق کیتا۔ وزارت خزانہ توں جاری بیان موجب ملاقات اچ وزیرخزانہ معاشی اصلاحات اتے معاشی ترقی اچ نجی شعبے دے راہنما کردار تے اتفاق کیتے۔ وفاقی وزیر برائے خزانہ سینیٹر محمد اورنگزیب جمعے کوں اوورسیز انویسٹرز چیمبر آف کامرس اینڈ انڈسٹری (OICCI) دے عہدیداراں اتے ممبراں نال زوم تے تفصیلی ملاقات کیتی۔ ملاقات اچ وزیرخزانہ حکومت دے معاشی اصلاحاتی ایجنڈے اتے پائیدارمستحکم اتے جامع ترقی کیتے جاری عزم تے روشنی پاتی۔ وزیر خزانہ معیشت کوں مؤثر، شفاف اتے جوابدہ ٻݨاوݨ کیتے ٹیکس، توانائی، عوامی مالیات اتے سرکاری اداریاں سودھے اہم شعبیاں اچ جاری اصلاحات دا تذکرہ کیتا۔ وزیر خزانہ او آئی سی سی آئی دی سفارشات کوں قابل قدر قرار ݙیندیں ہوئیں بجٹ دی تیاری دے عمل اچ انہاں تے غور دی یقین ݙوایا۔
