اسلام آباد۔2مئی(اے پی پی)نائب وزیراعظم و وزیر خارجہ سینیٹر محمد اسحاق ڈار یورپی یونین دے اعلیٰ نمائندہ برائے خارجہ امور و سکیورٹی پالیسی اتے نائب صدر کاجا کالس نال ٹیلی فون تے الائے اتے انہاں کوں خطے دی اڄوکی صورتحال اتے بھارت دے بے بنیاد الزامات سودھا اشتعال انگیز پروپیگنڈے تے اپݨا موقف ݙسایا۔ انہاں سندھ طاس معاہدہ روکݨ دے بھارتی فیصلے تے چنتا کریندے آکھیے جو اے معاہدہ دی ذمہ داریاں اتے بین الاقوامی قانون دی واضح خلاف ورزی اے، پاکستان امن و علاقائی استحکام کیتے پر عزم اے اتے پاکستان معاملے دی آزاد اتے شفاف تحقیقات دی تجویز ݙتی اے۔ یورپی یونین دے اعلیٰ نمائندہ برائے خارجہ امور و سکیورٹی پالیسی زور ݙتے جو فریقین صبر و تحمل ݙکھاون۔ انہاں خطے اچ امن و استحکام برقرار رکھݨ کیتے مذاکرات دی اہمیت تے زور ݙتے۔ ݙوہاں رہنماواں پاکستان-یورپی یونین تعلقات تے وی الایا۔
