اسلام آباد۔ 4 مئی (اے پی پی) نائب وزیرِاعظم / وزیرِخارجہ سینیٹر محمد اسحاق ڈار ملائیشیا دے وزیرِ خارجہ داتو سری محمد حسن نال ٹیلی فون تے ڳالھ مُہاڑ کیتی ۔ دفترِ خارجہ دے ترجمان ولوں جاری بیان موجب وزیرِ خارجہ اسحاق ڈار اُنھاں کوں موجودہ علاقائی صورتحال بارے ݙسایا۔ علاقائی امن اَتے سلامتی کیتے خطرہ بݨݨ آلے بھارت دے بے بنیاد الزاماں، غلط معلومات دی مہم اَتے غیر قانونی …
نائب وزیرِاعظم / وزیرِخارجہ سینیٹر محمد اسحاق ڈار دا ملائیشیا دے وزیرِ خارجہ داتو سری محمد حسن نال ٹیلیفونک رابطہ
اسلام آباد۔ 4 مئی (اے پی پی) نائب وزیرِاعظم / وزیرِخارجہ سینیٹر محمد اسحاق ڈار ملائیشیا دے وزیرِ خارجہ داتو سری محمد حسن نال ٹیلی فون تے ڳالھ مُہاڑ کیتی ۔ دفترِ خارجہ دے ترجمان ولوں جاری بیان موجب وزیرِ خارجہ اسحاق ڈار اُنھاں کوں موجودہ علاقائی صورتحال بارے ݙسایا۔ علاقائی امن اَتے سلامتی کیتے خطرہ بݨݨ آلے بھارت دے بے بنیاد الزاماں، غلط معلومات دی مہم اَتے غیر قانونی یکطرفہ اقدامات کوں واضح طور تے رَد کریندے ہوئئیں سندھ طاس معاہدے کوں ختم کرݨ دے بھارت دے یکطرفہ فیصلے دی سخت مذمت کیتی جیڑھا جو اُوندی بین الاقوامی ذمہ واریاں دی صریح خلاف ورزی اے۔ اسحاق ڈار علاقائی امن اَتے استحکام کیتے پاکستان دے عزم دا اِظہار کیتے۔ تاں جو اُنھاں واضح کیتا جو قومی مفاد اَتے خودمختاری دے تحفظ کیتے اپݨا حق محفوظ رکھیندن ۔ وزیرِخارجہ داتو سری محمد حسن پاکستان دے موقف دی حمایت کریندے آکھیے جو ݙوہیں پاسُّوں تحمل دا مظاہرہ کرݨا چاہیدے۔ ٹیلیفونک ڳالھ مُہاڑ وچ ݙوہیں رہنماواں موجودہ صورتحال اچ نیڑے دا رابطہ برقرار رکھݨ تے اتفاق کیتے۔
