آندے 24 گھنٹے اچ خیبرپختونخوا، خطہ پوٹھوہار، پنجاب، شمال مشرقی بلوچستان، اُتلے سندھ اتے کشمیر وچ اندھاری گُھلݨ تے کھمݨ گاجاں نال مینھ وسݨ دا امکان

اسلام آباد۔ 4 مئی (اے پی پی) آندے 24 گھنٹے اچ خیبرپختونخوا، خطہ پوٹھوہار، پنجاب، شمال مشرقی بلوچستان، اُتلے سندھ اتے کشمیر وچ اندھاری گُھلݨ تے کھمݨ گاجاں نال مینھ وسݨ دا امکان اے۔ جݙاں جو ملک دے ٻئے علاقیں اچ موسم جزوی طورتے بدلی آلا رہݨ دا امکان اے ۔ محکمہ موسمیات موجب ایں دوران جنوبی خیبرپختونخوا، شمال مشرقی/وسطی پنجاب، جنوب مشرقی سندھ اتے شمال مشرقی بلوچستان ان اندھاری /جھکڑ چلݨ اتے کجھ جہیں تے گڑھا/زور دا مینھ وسݨ دا امکان اے ۔ رپورٹ موجب گزریل 24 گھنٹے اچ ملک دے ٻہوں سارے علاقیاں وچ موسم گرم اتے رُکھا رہیا تاں جو جنوبی مشرقی بلوچستان، پنجاب، اُتلے خیبرپختونخوا، کشمیر، گلگت بلتستان اتے تلویں سندھ وچ کجھ جہیں تے اندھی/جھکڑ اتے کھمݨ گاجاں نال مینھ وُٹھا ۔ ساریں توں ودھ مینھ چراٹ وچ 43، مالم جبہ 7، کاکول 5، دروش 3، ڈیرہ اسماعیل خان (سٹی 6، ایئرپورٹ 2)، بالاکوٹ ہک۔ لسبیلہ 29، کشمیر: مظفرآباد (ایئرپورٹ 24، سٹی 9)، گڑھی دوپٹہ 9، راولاکوٹ 4، کوٹلی ہک، چکوال 32، بھکر 10، اسلام آباد (بوکرا 19، سید پور 3، ایئرپورٹ 2، سٹی ہک)، راولپنڈی (چکلالہ 10، شمس آباد 6)، ٹوبہ ٹیک سنگھ، ڈیرہ غازی خان 3، ناروال 2، بھکر، اٹک، مری، ملتان ہک، سکردو 7، حیدرآباد ایئرپورٹ 4 اتے سٹی وچ 2 ملی میٹر مینھ ریکارڈ کیتا ڳئے۔ اتوار کوں ریکارڈ کیتے ڳئے ودھ توں ودھ درجہ حرارت دی رپورٹ موجب تربت وچ درجہ حرارت 46، دادو 43، جیکب آباد اتے خیرپور وچ 42 ڈگری سینٹی گریڈ ریکارڈ کیتا ڳیا۔ محکمہ موسمیات آکھیے اتوار دی (شام/رات) اتے سنوار کوں مختلف علاقیاں وچ اندھاری/جھکڑ/ڳڑھا/کھمݨ گاجاں زور دے مینھ پاروں کمزورانفراسٹرکچر(بجلی دے کھمبے، وݨ، گاݙیاں، سولر پینل وغیرہ) کوں ضیان پڄݨ دا ݙر اے ۔ شہریاں کوں محتاط رھݨ دی اپیل کیتی ڳئی اے۔