اسلام آباد۔ 4 مئی (اے پی پی) قومی خبر رساں ادارے ایسوسی ایٹڈ پریس آف پاکستان (اے پی پی) کوں افتتاحی پراپرٹی کانفرنس اتے رئیلٹرز ایوارڈز وچ بہترین معاون میڈیا پارٹنر ایوارڈ نال نوازیا ڳئے۔ اے پی پی دی رپورٹر/ سب ایڈیٹر حنا درانی اپݨے ادارے دی طرفوں ایوارڈ وصول کیتا۔ ایس آر ایچ انٹرنیشنل پرائیویٹ لمیٹڈ اسلام آباد دے ایف نائن پارک دے ایوان قائد ہال وچ افتتاحی …
قومی خبر رساں ادارے ایسوسی ایٹڈ پریس آف پاکستان دا اعزاز، بہترین معاون میڈیا پارٹنر ایوارڈ نال نوازیا ڳئے
اسلام آباد۔ 4 مئی (اے پی پی) قومی خبر رساں ادارے ایسوسی ایٹڈ پریس آف پاکستان (اے پی پی) کوں افتتاحی پراپرٹی کانفرنس اتے رئیلٹرز ایوارڈز وچ بہترین معاون میڈیا پارٹنر ایوارڈ نال نوازیا ڳئے۔ اے پی پی دی رپورٹر/ سب ایڈیٹر حنا درانی اپݨے ادارے دی طرفوں ایوارڈ وصول کیتا۔ ایس آر ایچ انٹرنیشنل پرائیویٹ لمیٹڈ اسلام آباد دے ایف نائن پارک دے ایوان قائد ہال وچ افتتاحی پراپرٹی کانفرنس اتے رئیلٹرز ایوارڈز دی تقریب دا اہتمام کیتا جیندے وچ اے پی پی کوں بہترین معاون میڈیا پارٹنر ایوارڈ نال نوازیا ڳئے۔ معزز مہماناں وچ یوتھ پارلیمنٹ دے چیئرمین اسامہ ندیم قریشی، انٹر یونیورسٹی کنسورشیم دے نیشنل کوآرڈینیٹر محمد مرتضیٰ نور اتے ڈی واٹسن دے ایچ آر منیجر منیب اتے ٻئے شامل ہن۔ تقریب نال اسلام آباد چیمبر آف کامرس اینڈ انڈسٹری (آئی سی سی آئی) دے سینئر نائب صدر عبدالرحمان صدیقی، اسلام آباد اسٹیٹ ایجنٹ ایسوسی ایشن دے صدر سردار طاہر محمود، لیک شور سٹی اسلام آباد دے چیئرمین سید سعادت حسین شاہ، کیپیٹل انٹرنیشنل رئیل اسٹیٹ اینڈ بلڈرز دے سی ای او چوہدری محمد نواز بسرا، فیئر ڈیل مارکیٹنگ دے چیئرمین چوہدری عبدالرؤف، امارات گروپ آف کمپنیز توں شفیق اکبر اتے لیجنڈز انکلیو وچ جنرل منیجر سیلز عثمان جہانگیر خطاب کیتا۔ ایں کانفرنس دا مقصد رئیل اسٹیٹ دے شعبے وچ نمایاں خدمات انجام ݙیوݨ اتے ایں شعبے وچ شہرت حاصل کرݨ آلے رئیلٹرز دی خدمات دا اعتراف کرݨ ہا۔ تقریب دے آخر وچ معزز مہماناں دی تفریح کیتے قوالی نائٹ دا اہتمام کیتا ڳئے۔
