اسلام آباد۔5 مئی (اے پی پی) سپریم کورٹ آف پاکستان دی پہلی تریمت جج جسٹس عائشہ اے ملک کوں یونیورسٹی آف لندن اعزازی ڈاکٹریٹ دی ڈگری نال نوازیے۔ سپریم کورٹ آف پاکستان دے شعبہ تعلقات عامہ دے جاری اعلامیہ موجب جسٹس عائشہ اے ملک کوں قانونی شعبے اچ انہاں دی نمایاں خدمات اتے انصاف اتے مساوات دے ودھارے اچ انہاں دے نمایاں کردار دے اعتراف اچ یونیورسٹی آف لندن ڈاکٹر …
جسٹس عائشہ اے ملک کوں یونیورسٹی آف لندن توں ڈاکٹریٹ دی اعزازی ڈگری مل ڳئی ، چیف جسٹس یحییٰ آفریدی دی مبارخ
اسلام آباد۔5 مئی (اے پی پی) سپریم کورٹ آف پاکستان دی پہلی تریمت جج جسٹس عائشہ اے ملک کوں یونیورسٹی آف لندن اعزازی ڈاکٹریٹ دی ڈگری نال نوازیے۔ سپریم کورٹ آف پاکستان دے شعبہ تعلقات عامہ دے جاری اعلامیہ موجب جسٹس عائشہ اے ملک کوں قانونی شعبے اچ انہاں دی نمایاں خدمات اتے انصاف اتے مساوات دے ودھارے اچ انہاں دے نمایاں کردار دے اعتراف اچ یونیورسٹی آف لندن ڈاکٹر آف لاز دی اعزازی ڈگری نال نوازیے۔ اے اعزازی ڈگری باضابطہ طور تے لندن اچ منعقدہ ہک پر وقار تقریب اچ شہزادی پیش کیتی۔ ایں تقریب اچ سپریم کورٹ آف پاکستان اچ خدمات انجام ݙیوݨ آلی پہلی تریمت جج دے طور تے انہاں دی تاریخی کامیابیاں دا جشن منایا ڳئے۔ اے اعزاز نہ صرف جسٹس عائشہ اے ملک دی ذاتی کامیابیاں کوں ظاہر کریندے بلکہ پاکستان دے قانونی نظام اچ عدالتی ترقی اتے صنفی شمولیت دی ودھدی ہوئی بین الاقوامی سنڄاݨ کوں وی اجاگر کریندے۔ چیف جسٹس آف پاکستان جسٹس یحییٰ آفریدی جسٹس عائشہ اے ملک کوں ایں اعزاز تے مبارخ ݙیندے ایں کوں عدلیہ اتے قوم کیتے ماݨ دا لمحہ قرار ݙتے اتے انہاں دی تعریف کیتی۔
