اسلام آباد۔ 5 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار نال ایران دے وزیر خارجہ سید عباس عراقچی اتھاں ملاقات کیتی۔ دفتر خارجہ موجب ݙوہیں رہنماواں ملاقات وچ مضبوط پاکستان ایران تعلقات دے عزم دا اعادہ کیتا تے تجارت، توانائی تے رابطیں وچ تعاون ودھاوݨ تے اتفاق کیتے۔ انہاں جنوبی ایشیا دی ابھردی ہوئی صورتحال تے امریکہ ایران مذاکرات تے وی ڳالھ مُہاڑ کیتی …
وزیر خارجہ سینیٹر اسحاق ڈار نال ایرانی وزیرخارجہ سید عباس عراقچی دی ملاقات، تجارت، توانائی تے رابطے وچ تعاون ودھاوݨ تے اتفاق
اسلام آباد۔ 5 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار نال ایران دے وزیر خارجہ سید عباس عراقچی اتھاں ملاقات کیتی۔ دفتر خارجہ موجب ݙوہیں رہنماواں ملاقات وچ مضبوط پاکستان ایران تعلقات دے عزم دا اعادہ کیتا تے تجارت، توانائی تے رابطیں وچ تعاون ودھاوݨ تے اتفاق کیتے۔ انہاں جنوبی ایشیا دی ابھردی ہوئی صورتحال تے امریکہ ایران مذاکرات تے وی ڳالھ مُہاڑ کیتی ۔ انہاں اے ڳالھ تے اتفاق کیتے جو اوکھے مسئلیں کوں سفارتکاری تے مذاکرات دے ذریعے حل کیتا ونڄ سڳدے۔ ایں سلسلے وچ انہاں ہک ݙوجھے دیاں تعمیری سفارتی کوششاں دی تعریف کیتی جیڑھے خطے وچ امن تے استحکام کیتے انہاں دے سانجھے عزم دا اظہار ہن۔ انہاں پاک ایران تعلقات وچ تکڑی رفتار برقرار رکھݨ تے وی اتفاق کیتا جیں وچ قیادت دی سطح تے ملاقاتاں دی ودھدی ہوئی تعداد برقرار رکھݨ وی شامل اے۔
