بانی پی ٹی آئی کوں سزا قانونی اتے عدالتی معاملہ اے، میکوں بانی پی ٹی آئی دی رہائی دا کوئی امکان نظر نی آندا، خواجہ محمد آصف

اسلام آباد۔ 5 مئی (اے پی پی) وزیر دفاع خواجہ محمد آصف آکھیے جو بانی پی ٹی آئی کوں سزا قانونی اتے عدالتی معاملہ اے، میکوں بانی پی ٹی آئی دی رہائی دا کوئی امکان نظر نی آندا۔ پارلیمنٹ ہائوس اچ میڈیا نال ڳالھ مہاڑ کریندے ہک سوال دے جواب اچ انہاں آکھیے جو میکوں علم کائںی مگر تھی سڳدے جو حکومت آل پارٹیز کانفرنس پلان کرے۔ جے پی ٹی آئی ایں سارے مسئلے کوں بانی دی رہائی نال مشروط رکھݨا اے تاں ول او اے پی سی دی ڳالھ کریندے چنگے وی نی لڳدے۔ انہاں آکھیے جو پی ٹی آئی قیادت بہانہ بݨا تے کہیں نہ کہیں طرح اپݨے لیڈر کوں ٻاہر گھن آوݨ چاہندی اے، پاکستان دی سلامتی اتے حفاظت نال انہاں کوں کوئی سروکار کائنی ، او بانی پی ٹی آئی کوں ٻاہر گھن آوݨ دا کوئی نہ کوئی بہانہ ڳولیندے پئن، انہاں دی اے خواہش ہوسی جو اے مسئلہ مزید وڳڑے اتے ساݙے مسئلے دا خواہ مخواہ دا جواز پیدا تھی ونڄے۔