وزیراعظم محمد شہباز شریف دا سٹیٹ بینک دی طرفوں پالیسی ریٹ اچ ہک فیصد کمی تے اطمینان دا اظہار

اسلام آباد۔ 5 مئی (اے پی پی) وزیراعظم محمد شہباز شریف سٹیٹ بینک آف پاکستان دی طرفوں پالیسی ریٹ اچ ہک فیصد کمی تے اطمینان دا اظہار کریندے آکھیے جو پالیسی ریٹ اچ کمی کاروبار، صنعتاں، زراعت، سرمایہ کاری اتے برآمدات کیتے چنڳی ڳالھ اے ۔ وزیراعظم دفتر دے میڈیا ونگ توں جاری بیان موجب وزیراعظم آکھیے جو پالیسی ریٹ اچ کمی نال تاجریں اتے سرمایہ کاراں کوں ریلیف ملسی۔ انہاں آکھیے جو اپریل 2025 دے مہینے اچ مہانگ دی شرح 0.30 فیصد تئیں آوݨ ٻہوں چنڳی ڳالھ اے، معاشی اشاریے صحیح پاسے ٹردے پئن، معیشت مستحکم بنیاداں تے اڳوں ودھدی پئی اے۔ وزیراعظم آکھیے جو معیشت دی بحالی کیتے وفاقی وزیر خزانہ اتے انہاں دی ٹیم دیاں کوششاں لائق تحسین ہن۔