راولپنڈی۔5 مئی(اے پی پی)پاک فوج دے سربراہ جنرل سید عاصم منیر آکھیے جو قومی خود مختاری تے حملہ تھیا تاں پُورے زور نال ولدا ݙتا ویسی۔ او نیشنل ورکشاپ بلوچستان دے شرکا نال جی ایچ کیو اچ ملݨ ویلھے الیندے پئے ہن۔ آئی ایس پی آر دے مطابق 2016ء توں نیشنل ورکشاپ بلوچستان دا مقصد قیادت کوں قومی اتے صوبائی امور توں آگاہ کرݨ اے۔ آرمی چیف آکھیا جو بلوچستان …
قومی خود مختاری تے حملہ تھیا تاں پُورے زور نال ولدا ݙتا ویسی، آرمی چیف جنرل سید عاصم منیر
راولپنڈی۔5 مئی(اے پی پی)پاک فوج دے سربراہ جنرل سید عاصم منیر آکھیے جو قومی خود مختاری تے حملہ تھیا تاں پُورے زور نال ولدا ݙتا ویسی۔ او نیشنل ورکشاپ بلوچستان دے شرکا نال جی ایچ کیو اچ ملݨ ویلھے الیندے پئے ہن۔ آئی ایس پی آر دے مطابق 2016ء توں نیشنل ورکشاپ بلوچستان دا مقصد قیادت کوں قومی اتے صوبائی امور توں آگاہ کرݨ اے۔ آرمی چیف آکھیا جو بلوچستان اچ جاری ترقیاتی منصوبے عوام دی فلاح کیتے اہم کردار ادا کریندے پئن، دشمن عناصر بلوچستان اچ خوف اتے انتشار کھنڈاوݨ چاہندن، انہاں کوں کامیاب نہ تھیوݨ ݙیسوں۔ انہاں آکھیا جو غیر ملکی سپانسرڈ دہشت گردی بلوچستان دی سکیورٹی کیتے سنگین خطرہ اے، دہشت گردی دا کوئی مذہب، مسلک یا قوم نئیں ہوندی، قومی یکجہتی نال ایندا مقابلہ کریسوں۔ آرمی چیف دا آکھݨ ہا جو بلوچ سنڄاݨ دے ناں تے دہشت گردی کرݨ آلے بلوچ غیرت تے دھبہ ہن۔ آرمی چیف جنرل سید عاصم منیر دا آکھݨ ہا جوہ پاکستان خطے اچ امن چاہندے، ملکی سالمیت تے کوئی سمجھوتہ نہ کریسوں، ڄیکر قومی خودمختاری تے حملہ تھیا تاں پُورے زور نال جواب ݙتا ویسی۔
