اسلام آباد۔6 مئی(اے پی پی) وفاقی وزیر خزانہ سینیٹر محمد اورنگزیب ترائے ݙینھ دے سرکاری دورے تے لندن روانہ تھی ڳئن ، جتھاں او برطانوی حکام، بین الاقوامی مالیاتی اداریں، سرمایہ کار بینکاں اتے کاروباری اداریں نال ملاقاتاں کریسن ۔وزیر خزانہ ایں دورے اچ مختلف سرمایہ کاری فورمز تے سیمینارز توں خطاب کریسن جنہاں اچ او پاکستان دے معاشی منظر نامے تے حکومت دی سرمایہ کار دوست پالیسیاں کوں اجاگر …
وفاقی وزیر خزانہ سینیٹر محمد اورنگزیب دا ترائے ݙینھ دا دورہ برطانیہ
اسلام آباد۔6 مئی(اے پی پی) وفاقی وزیر خزانہ سینیٹر محمد اورنگزیب ترائے ݙینھ دے سرکاری دورے تے لندن روانہ تھی ڳئن ، جتھاں او برطانوی حکام، بین الاقوامی مالیاتی اداریں، سرمایہ کار بینکاں اتے کاروباری اداریں نال ملاقاتاں کریسن ۔وزیر خزانہ ایں دورے اچ مختلف سرمایہ کاری فورمز تے سیمینارز توں خطاب کریسن جنہاں اچ او پاکستان دے معاشی منظر نامے تے حکومت دی سرمایہ کار دوست پالیسیاں کوں اجاگر کریسن ۔دورے اچ وزیر خزانہ جیفریز دے اہتمام نال “پاکستان تئیں رسائی دے ݙینھ ” دے عنوان توں تھیوݨ آلے سرمایہ کاری گول میز مذاکرے اچ شرکت کریسن ۔ ایندے نال نال یو کے ٹیک انویسٹرز نال تھیوݨ آلے مزاکرے اچ پاکستان اچ اے آئی، کان کنی اتے ہیلتھ کیئر سودھے ٻئے شعبیں اچ سرمایہ کاری دے موقع تے ڳالھ مہاڑ کریسن ۔وزیراعظم دے مشیر سرمایہ کاری محمد علی وی انہاں ملاقاتاں تے مزاکرے اچ وزیر خزانہ د رلے ہوسن ۔ ایں دوران وزیر خزانہ برطانیہ دے درج ذیل اہم اداریں دا دورہ کریسن ،ہیز میجسٹیز ٹریژری ،فارن کامن ویلتھ اینڈ ڈویلپمنٹ دفتر،دفتر فار بجٹ ریسپانسبلٹی،بینک آف انگلینڈ سودھے ایں توں انڄ او ڈوئچے بینک، سٹینڈر چارٹرڈ بینک، کارگل گلوبل ٹریڈنگ یو کے اتے برٹش امریکن ٹوبیکو دے اعلیٰ حکام نال وی ملاقات کریسن ۔وزیر خزانہ برطانیہ دی گورنمنٹ کمیونی کیشن سروس دے سی ای او نال ملاقات توں انڄ پاکستان ہائی کمیشن دے اہتمام نال مقامی سرمایہ کاراں اتے کاروباری شخصیات دے اعزاز اچ ݙتے ڳئے عشائیہ اچ وی شرکت کریسن ۔دورہ مکݨ تے وزیر خزانہ بین الاقوامی اتے برطانوی ذرائع ابلاغ نال ملاقاتاں اچ پاکستان دی معاشی پالیسیاں تے ڳالھ کریسن تے سوالاں دے جواب ݙیسن۔
