دوحہ۔6 مئی (اے پی پی) وفاقی وزیر داخلہ محسن نقوی قطر دے وزیراعظم محمد بن عبدالرحمن الثانی نال ملاقات کیتی جیندے اچ پاک قطر تعلقات اتے ݙوطرفہ تعاون ودھاوݨ تے ڳالھ مہاڑ کیتی ڳئی۔ ملاقات اچ پاک بھارت کشیدگی اتے خطے دی موجودہ صورتحال دے تناظر اچ وی ڳالھ مہاڑ تھئی۔ وزیر داخلہ محسن نقوی قطر دے وزیراعظم کوں پاک بھارت اڄوکی کشیدگی دے حوالے نال پاکستان دے ٹھوس اتے …
وفاقی وزیرداخلہ محسن نقوی دی قطر دے وزیراعظم محمد بن عبدالرحمن الثانی نال ملاقات، پہلگام واقعے توں پیدا صورتحال، پاک قطر تعلقات اتے ݙوطرفہ تعاون ودھاوݨ تے ڳالھ مہاڑ
دوحہ۔6 مئی (اے پی پی) وفاقی وزیر داخلہ محسن نقوی قطر دے وزیراعظم محمد بن عبدالرحمن الثانی نال ملاقات کیتی جیندے اچ پاک قطر تعلقات اتے ݙوطرفہ تعاون ودھاوݨ تے ڳالھ مہاڑ کیتی ڳئی۔ ملاقات اچ پاک بھارت کشیدگی اتے خطے دی موجودہ صورتحال دے تناظر اچ وی ڳالھ مہاڑ تھئی۔ وزیر داخلہ محسن نقوی قطر دے وزیراعظم کوں پاک بھارت اڄوکی کشیدگی دے حوالے نال پاکستان دے ٹھوس اتے اصولی موقف دا ݙسائے۔ وزیر داخلہ محسن نقوی خطے اچ قیام امن کیتے پاکستان دے جامع اقدامات تےبریفنگ ݙیندے ݙسائے جو پہلگام واقعے تے بھارت دے بے بنیاد الزامات اتے اقدامات توں خطے دے امن کوں سنگین خطرہ اے۔ پہلگام واقعے دی غیر جانبدارانہ تحقیقات دی پیشکش پاکستان دے اصولی موقف کوں تکڑا کریندی اے۔ دنیا کوں علم ہووݨا چاہیدے جو واقعے دے ماسٹر مائنڈ اتے اصل ملزمان کون ہن اتے ایندا بینیفشری کون اے۔ بھارت ایں واقعے دی آڑ اچ سندھ طاس معاہدے تے وار کیتے جیڑھا اساں کیتے لائف لائن اے۔ خطے اچ دیرتئیں امن چاہندوں لیکن جارحیت تے چُپ نہ رہسوں ۔ قطر دے وزیراعظم پاک بھارت کشیدگی اچ کمی کیتے سفارتی کوششاں دی لوڑھ تے زور ݙیندے آکھیے جو اساں خطے اچ عدم کشیدگی دی پالیسی دے حامی ہیسے۔ امید اے جو سفارتی کوششاں نال کشیدگی گھٹ تھیسی۔ قطر دے وزیراعظم دا وزیراعظم محمد شہباز شریف کیتے نیک خواہشات دا سنھیا ݙیندے آکھیے جو تہاݙے وزیراعظم ٻہوں محنت نال پاکستان دی معیشت کوں صحیح پاسے گھن تے ویندے پئن۔ قطر اچ پاکستان دے سفیر محمد عامر اتے اعلی حکام وی ایں موقع تے موجود ہن۔
