وزیراعظم دا نویں نیشنل انٹیلی جنس فیوژن اینڈ تھریٹ اسسمنٹ سینٹر دا دورہ، ہیڈ کوارٹر دا افتتاح کیتے

اسلام آباد(اے پی پی)وزیراعظم محمد شہباز شریف نویں ٻݨائے ڳئے نیشنل انٹیلی جنس فیوژن اینڈ تھریٹ اسسمنٹ سینٹر (این آئی ایف ٹی اے سی) دا دورہ کیتے۔ نائب وزیراعظم اتے وزیر خارجہ سینیٹر اسحاق ڈار، وزیر دفاع خواجہ محمد آصف اتے سروسز چیفس وی انہاں دے نال ہن۔

وزیراعظم این آئی ایف ٹی اے سی کوں سانجھے خطرے دی سنڄاݨ اتے ردعمل سانگے ہک بہترین قومی پلیٹ فارم قرار ڈیندے آکھیے جو اے ادارہ ملک توں دہشت گردی اتے ایندے معاون ڈھانچے کوں منݙھو مکاوݨ کیتے اہم کردار ادا کریسی۔