سرینگر۔ 7 مئی (اے پی پی) بھارت دے غیر قانونی زیر تسلط جموں تے کشمیر اچ انتظامیہ لوکاں کوں پاکستان ولوں رافیل طیاریاں سودھے بھارتی لڑاکا طیاریاں کوں مار ݙیوݨ تے جشن مناوݨ، ݙٹھے جہازاں دیاں ویڈیوز بݨاوݨ توں روکݨ سانڳے پابندیاں ٻیا سخت کر ݙتن۔ کشمیر میڈیا سروس موجب وادی کشمیر اچ کرفیو سویں صورتحال اے۔ بھارتی فورسز دے اہلکار سارے چھوٹے وݙے شہراں اتے قصبیاں اچ گشت اتے لوکاں کوں گھراں دے اندر رہݨ تے مجبور کریندے پئن۔ سوشل میڈیا ورتݨ آلیاں کوں تقریباً ادھ درجن لڑاکا طیاریاں سودھا بھارتی فوجی نقصانات بارے معلومات ونڈݨ توں روکݨ سانڳے انٹرنیٹ دی رفتار گھٹ کر ݙتی ڳئی اے۔ ایں وچال قابض فورسز دے اہلکاراں ولوں مقبوضہ علاقے اچ گھراں تے چھاپیاں اتے بلاجواز گرفتاریاں دا سلسلہ جاری اے، سرینگر اتے آسے پاسے علاقیاں کوں خاص طور تے نشانہ بݨایا ویندا پئے۔ نویں دہلی یونیورسٹی وزیر داخلہ امیت شاہ دی ہدایت تے جموں و کشمیر دے سارے طلباء کوں حکم ݙتے جو او اپݨیاں ذاتی تفصیلاں یونیورسٹی انتظامیہ کوں جمع کراون۔ جموں تے کشمیر سٹوڈنٹس ایسوسی ایشن سرینگر اچ جاری بیان اچ ایں حکمنامے دی مذمت کریندے ہوئیں ایں کوں امتیازی کارروائی قرار ݙتے.
