اسلام آباد۔ 7 مئی (اے پی پی): نائب وزیراعظم اَتے وزیر خارجہ سینیٹر محمد اسحاق ڈار سپین دے وزیر برائے خارجہ امور جوزے مینوئل الباریس کوں ٹیلی فون کیتے۔ دفتر خارجہ دے مطابق نائب وزیراعظم آپݨے ہسپانوی ہم منصب کوں بھارت دی بلا اشتعال اَتے غیر قانونی جارحیت توں پیدا تھیوݨ آلی سنگین علاقائی صورتحال توں آگاہ کیتا جیڑھی پاکستان دی خودمختاری دی کھلم کھلا اَتے بین الاقوامی قوانین دی …
نائب وزیراعظم سینیٹر محمد اسحاق ڈار دی سپین دے وزیر برائے خارجہ امور نال ٹیلیفونک ڳالھ مہاڑ
اسلام آباد۔ 7 مئی (اے پی پی): نائب وزیراعظم اَتے وزیر خارجہ سینیٹر محمد اسحاق ڈار سپین دے وزیر برائے خارجہ امور جوزے مینوئل الباریس کوں ٹیلی فون کیتے۔ دفتر خارجہ دے مطابق نائب وزیراعظم آپݨے ہسپانوی ہم منصب کوں بھارت دی بلا اشتعال اَتے غیر قانونی جارحیت توں پیدا تھیوݨ آلی سنگین علاقائی صورتحال توں آگاہ کیتا جیڑھی پاکستان دی خودمختاری دی کھلم کھلا اَتے بین الاقوامی قوانین دی صریح خلاف ورزی اے۔ انہاں معصوم شہریاں دیاں جاناں دے المناک ضیان اَتے علاقائی امن اَتے تزویراتی استحکام تے ایں واقعے دے سنگین نتائج دا وی ݙسایا۔ انہاں سلامتی دے بدلدے ماحول دا جائزہ گھنݨ کیتے پاکستان دی قومی سلامتی کمیٹی دے اجلاس دے اہم مباحث توں وی انہاں کوں آگاہ کیتا۔ وزیر خارجہ الباریس شہریاں دیاں جاناں دے ضیاع تے مکاݨ ݙیندے آکھیا جو سپین دی حکومت صورتحال کوں ٻہوں سنجیدگی نال ݙیہدی پئی اے۔ انہاں بحران نال نبٹݨ کیتے ڳالھ مہاڑ، تحمل اَتے سفارت کاری دی اہمیت تے زور ݙتا۔ وزیر خارجہ الباریس بین الاقوامی تعاون دے جذبے اچ سپین ولوں متعلقہ کثیر جہتی فورمز نال ممکنہ مشغولیت اَتے ڳالھ مہاڑ اچ ہتھ ونݙاوݨ دی پیشکش کیتی۔
