اسلام آباد۔ 8 مئی (اے پی پی) وزیراعظم محمد شہباز شریف اوکھے ویلھے اچ پاکستان نال یکجہتی دے اظہار تے حمایت تے ترک صدر رجب طیب اردوان دا شکریہ ادا کریندے ہوئیں آکھیے جو پاکستان جنوبی ایشیا وچ امن قائم کرݨ تے کشیدگی گھٹ کرݨ سانگے انہاں دی کوششاں دی تعریف کریندے ۔ "ایکس" تے اپݨے سنھیے وچ وزیراعظم محمد شہباز شریف آکھیے جو انہاں دی ترک صدر رجب …
وزیراعظم محمد شہباز شریف اوکھے ویلھے پاکستان نال یکجہتی تے حمایت کرݨ تے ترکیہ دے صدر رجب طیب اردوان دا شکریہ ادا کیتا
اسلام آباد۔ 8 مئی (اے پی پی) وزیراعظم محمد شہباز شریف اوکھے ویلھے اچ پاکستان نال یکجہتی دے اظہار تے حمایت تے ترک صدر رجب طیب اردوان دا شکریہ ادا کریندے ہوئیں آکھیے جو پاکستان جنوبی ایشیا وچ امن قائم کرݨ تے کشیدگی گھٹ کرݨ سانگے انہاں دی کوششاں دی تعریف کریندے ۔ “ایکس” تے اپݨے سنھیے وچ وزیراعظم محمد شہباز شریف آکھیے جو انہاں دی ترک صدر رجب طیب اردوان نال فون تے ڳالھ مہاڑ تھئی، جیندے وچ انہاں اوکھے ویلھے پاکستان نال یکجہتی دے اظہار تے حمایت تے ترکیہ دا شکریہ ادا کیتا ۔ وزیراعظم آکھیے او گزریل ݙینھ بھارت دے میزائل حملیں دے شہیداں سانگے ترکیہ دے بھراواں دیاں دعاؤں تے نیک خواہشات دا خیر مقدم کریندن ۔ محمد شہباز شریف آکھیے انہاں ترکیہ دے صدر کوں پاکستان دی مسلح فوجاں ولوں دشمن کوں بہادری تے پیشہ ورانہ برتری نال جواب ݙیوݨ بارے ݙسائے۔ وزیراعظم آکھیے اساں اپݨی علاقائی سالمیت تے خودمختاری دی ہر قیمت تے حفاظت یقینی بݨیسوں ۔ انہاں جنوبی ایشیا وچ امن دے قیام تے کشیدگی وچ کمی سانگے ترکیہ دیاں کوششاں دی تعریف کیتی
