اقوام متحدہ ۔8مئی (اے پی پی) اقوام متحدہ جھڑپاں توں بعد بھارت اتے پاکستان کوں تحمل دا مظاہرہ کرݨ دی اپیل کیتی اے۔ اقوام متحدہ پاکستان اتے آزاد کشمیر دے کجھ حصیں تے بھارتی میزائل حملیں دے تناظر وچ ݙوہیں ملکاں کوں صبر نال کم گھنݨ اتے ایجھے اقدامات توں پرہیز کرݨ دی اپیل کیتی اے جیڑھے کشیدگی کوں ٻیا ودھاون ۔ یو این ہیڈ کوارٹر وچ ہک نیوز بریفنگ وچ ادارے دی ترجمان سٹیفنی ٹرامبلے ایں ڳالھ کوں ٻہوں آکھیے جو دنیا جنوبی ایشیا وچ ݙو پڑوسی ملکاں وچال فوجی ٹکر دی متحمل نی تھی سڳدی۔ ایں سوال تے جو کیا بھارت اتے پاکستان وچ کشمیر اچ لائن آف کنٹرول دی نگرانی کرݨ آلا اقوام متحدہ دے مبصر گروپ (یو این ایم او جی آئی پی) دے اہلکار محفوظ ہن، انہاں آکھیے جو یو این اہلکار محفوظ ہن۔
