اسلام آباد۔8مئی(اے پی پی) پی آئی اے دے ترجمان آکھیے جو ملک دی موجودہ سکیورٹی صورتحال پاروں پاکستان اچ فضائی آپریشن متاثر اے، روٹس دی عارضی بندش ملکی ائیرلائنز دے اثاثیں تے مسافراں دی اپݨی حفاظت دی خاطر کیتا ویندے ۔ ترجمان پی آئی اے دی طرفوں خمیس کوں جاری بیان موجب فضائی حفاظت پاروں کجھ روٹس کوں حفظ ماتقدم دے طور تے محدود کرݙتا ویندے جئیں توں ایں سیکٹر دی پروازاں متاثر تھیندیاں پئن -روٹس دی عارضی بندش ملکی ائیرلائنز دے اثاثیں تے مسافراں دی اپݨی حفاظت دی خاطر کیتا ویندے – مسافراں توں درخواست اے جو معاملے دی نزاکت دا ادراک کرن تے ائیرلائن عملے نال تعاون کرن- مسافراں دی سہولتاں سانڳے پی آئی اے کال سینٹرتوں انہاں دے دستیاب فون نمبرتے ݙسایا ویندا پئے – پی آئی اے ڈائیورٹ تھیوݨ آلی پروازاں دے مسافروں دی مکمل ݙیکھ بھال کریندا پئے جئیں اچ انہاں دے قیام و طعام دا بندوبست شامل اے- مسافراں توں درخواست اے جو او ائیر پورٹ آوݨ توں پہلے پی آئی اے کال سینٹر اتے ویب سائٹ نال رجوع کرن تے آپݨی پروازاں متعلق وختی معلومات حاصل کرن۔
