اسلام آباد۔ 8 مئی(اے پی پی)وفاقی وزیر برائے منصوبہ بندی، ترقی اتے خصوصی اقدامات پروفیسر احسن اقبال آکھیے جو حکومت “اُڑاݨ پاکستان پروگرام” نال رلدے ترقیاتی منصوبے آندے سالانہ ترقیاتی پروگرام اچ رلیسی۔ اسلام آباد اچ پریس کانفرنس کریندے انہاں آکھیا جو ترقیاتی منصوبیاں دی سخت جانچ پڑتال شروع کیتی ڳئی اہے تاں جو قومی وسائل دا استعمال صرف انہاں منصوبیاں تے کیتا ونڄ سڳے جیہڑے روزگار دے موقعے پیدا کرن، پائیدار معاشی ترقی کوں ودھاراا ڈیون اتے سماجی خوشحالی دا سبب ٻݨن۔ انہاں آکھیا جو ترقیاتی منصوبیاں اچ شفافیت اتے قومی وسائل دے منصفانہ استعمال سانڳے منصوبہ بندی دی وزارت اچ ہک ہاٹ لائن اتے موثر مانیٹرنگ و ایویلیویشن یونٹ ٻݨایا ڳئہے جیندا مقصد وسائل دا ضیان روکݨ اتے منصوبیاں دی نگرانی بہتر بݨاوݨ اے۔ انہاں ݙسایا جو ترقیاتی شراکت داراں دے نال موثر رابطے ٻݨائے ڳن اتے انہاں دے نال حکومت دیاں ترقیاتی ترجیحات ݙسایاں ڳن تاں جو انہاں اہداف کوں رل تے پورا کریڄے۔ احسن اقبال آکھیا جو “اُڑان پاکستان پروگرام” کوں صوبیاں دے نال وی مربوط کیتا ویندا پئے اتے ایں سانڳے مختلف ورکشاپس کیتاں ڳن جو قومی وسائل درست استعمال کیتے ونڄن۔ انہاں موجودہ مالی سال دی 10 مہینیاں دی معاشی کامیابیاں تے الیندے آکھیا جو اے سال معاشی بحالی دا سال اے۔ مہنگائی 38 فیصد توں گھٹ تھی تے 2.5 فیصد تے آ ڳئی ہے اتے اپریل 2025 اچ ہیڈ لائن انفلیشن صرف 0.3 فیصد رہی۔ انہاں ݙسایا جو جاری مالی سال اچ کرنٹ اکائونٹ سرپلس 1.86 ارب ڈالر رہیا جݙاں جو پچھلے سال ایں عرصے اچ 1.65 ارب ڈالر دا خسارہ ہا۔ ترسیلات زر اچ 33 فیصد ودھارا تھئے اتے او 33 ارب ڈالر تئیں پُڄ ڳئن۔ انہاں آکھیا جو مالی خسارہ وی 3.1 فیصد توں گھٹ تھی تے 2.2 فیصد تھی ڳئے۔ ٹیکس ٹو جی ڈی پی شرح ودھاوݨ تے زور ڈیندے وزیر منصوبہ بندی آکھیے جو قومی ترقیاتی منصوبیاں کیتے وسائل پیدا کرݨ کیتے ٹیکس اصلاحات ناگزیر ہن۔ وفاقی وزیر بھارتی جارحیت دی سخت مذمت کیتی اتے پاک فوج ولوں بھرپور اتے فوری جوابی کارروائی دی تعریف کیتی جیدنے اچ بھارتی فضائیہ دے پنج جنگی طیارے جِنہاں اچ ترائے رافیل وی شامل ہن، مار ڈھوائے ڳئن۔ پروفیسر احسن اقبال آکھیا جو عالمی برادری پاکستان دی روایتی جنگی صلاحیت منیندے، جیہڑی خطے اچ طاقت دے توازن کوں برقرار رکھݨ کیتے ٻہوں اہم ہے۔
