اسلام آباد۔8 مئی(اے پی پی)نائب وزیراعظم اتے وزیر خارجہ سینیٹر محمد اسحاق ڈار موجودہ علاقائی پیشرفت تے ڳالھ مہاڑ کرݨ کیتے اٹلی دی وزراء کونسل دے نائب صدر، خارجہ امور اتے بین الاقوامی تعاون دے وزیر انتونیو تاجانی نال ٹیلی فون تے ڳالھ مہاڑ کیتی۔ دفتر خارجہ دے مطابق نائب وزیر اعظم اپݨے اطالوی ہم منصب کوں بین الاقوامی سرحد پار توں شہری آبادیاں کوں نشانہ بݨاوݨ آلے اسٹینڈ آف ہتھیاراں دے استعمال نال بھارت دی جارحیت تے پاکستان دی خودمختاری دی خلاف ورزی تے بریفنگ ݙتی۔ انہاں بھارت دے بزدلانہ حملیاں دی سخت مذمت کیتی جیندے نال تریمتیں تے ٻالاں سودھا عام شہری شہید تھئے۔ نائب وزیر اعظم بھارت دے اقدامات کوں اقوام متحدہ دے چارٹر اتے بین الاقوامی قانون دی صریح خلاف ورزی قرار ݙتے جئیں علاقائی امن اتے سلامتی کوں خطرے اچ پیندے ہوئے ݙوہاں جوہری ہتھیاراں نال لیس ریاستاں کوں ہک وݙے تنازعہ دے نیڑے پُڄا ݙتے۔
