اساں بھارتی غیر قانونی قابض جموں و کشمیر کوں نشانہ نی بݨایا، نہ کوئی سرحد پار حملہ کیتے، نہ ساݙی فضائیہ کوں کوئی ضیان پُڄے، بھارتی میڈیا اپݨی ناکامی لُکاوݨ کیتے کوڑی کامیابی دیاں کہانیاں بݨیندا پئے۔ وفاقی وزیر اطلاعات

اسلام آباد۔ 9 مئی (اے پی پی) وفاقی وزیر اطلاعات و نشریات عطا اللہ تارڑ آکھیے اے جو پاکستان دا موقف واضح اے، اساں بھارت دے غیر قانونی زیر تسلط جموں و کشمیر اچ کہیں وی جاہ کوں نشانہ نی بݨایا ، نہ ہی سرحد پار ہݨ تئیں کوئی حملہ کیتے تے نہ ہی پاکستان دی فضائیہ کوں کوئی ضیان پُڄے ۔ سماجی رابطے دے پلیٹ فارم ”ایکس“ تے اپݨی ہک پوسٹ اچ انہاں آکھیے جو 6 تے 7 مئی دی رات بھارت دی بلا اشتعال جارحیت دا خمیازہ اوں کوں خود بھوڳݨا پئے تے ہݨ اپݨی ناکامی لُکاوݨ کیتے بھارتی میڈیا کوڑی کامیابی دی کہانیاں بݨیندا پئے۔ پاکستان ہݨ تئیں صرف اپݨے دفاع اچ اقدامات کیتن۔