اسلام آباد۔9 مئی (اے پی پی) نائب وزیراعظم/وزیر خارجہ سینیٹر محمد اسحاق ڈار ناروے دے وزیر خارجہ ایسپین بارتھ ایدے نال ٹیلیفونک ڳالھ مہاڑ کیتی۔ دفتر خارجہ موجب نائب وزیراعظم انہاں کوں پاکستان دے کئی شہراں تے بھارت دے غیر قانونی تے بلا اشتعال حملیں نال وڳڑدی ہوئی علاقائی صورتحال دا ݙسائے ، جیندے نتیجے وچ تریمتاں، ٻالاں تے ٻڈھیں سودھے بے گناہ شہریاں دی شہادت تھئی۔ انہاں آکھیے جو …
نائب وزیراعظم محمد اسحاق ڈار دی ناروے دے وزیر خارجہ ایسپین بارتھ ایدے نال ٹیلیفونک ڳالھ مہاڑ، بلا اشتعال بھارتی حملیں نال وڳڑدی علاقائی صورتحال دا ݙسائے
اسلام آباد۔9 مئی (اے پی پی) نائب وزیراعظم/وزیر خارجہ سینیٹر محمد اسحاق ڈار ناروے دے وزیر خارجہ ایسپین بارتھ ایدے نال ٹیلیفونک ڳالھ مہاڑ کیتی۔ دفتر خارجہ موجب نائب وزیراعظم انہاں کوں پاکستان دے کئی شہراں تے بھارت دے غیر قانونی تے بلا اشتعال حملیں نال وڳڑدی ہوئی علاقائی صورتحال دا ݙسائے ، جیندے نتیجے وچ تریمتاں، ٻالاں تے ٻڈھیں سودھے بے گناہ شہریاں دی شہادت تھئی۔ انہاں آکھیے جو پاکستان بین الاقوامی قوانین تے اقوام متحدہ دے چارٹر دی انہاں خلاف ورزیاں تے تحمل دا مظاہرہ کیتے جیندے نال علاقائی امن تے سلامتی کوں خطرہ اے۔ سینیٹر محمد اسحاق ڈار آکھیے جو حکومت پاکستان ملک دی خود مختاری تے علاقائی سالمیت دے دفاع کیتے پرعزم اے۔ ناروے دے وزیر خارجہ ایسپین بارتھ ایدے جاری کشیدگی تے ڳالھ مہاڑ کیتی تے شہریاں دے المناک جانی ضیان تے تعزیت کیتی۔ انہاں پاکستان دی طرفوں تحمل دا مظاہرہ کرݨ دی تعریف کیتی تے مزید جھیڑے توں بچݨ کیتے کشیدگی وچ کمی تے سفارت کاری دے حصول دی وختی لوڑھ تے زور ݙتا۔ ݙوہیں رہنماواں ݙوطرفہ تعلقات تے وی ڳالھ مہاڑ کیتی۔ وزیر خارجہ ناروے دے سماجی و اقتصادی شعبیاں وچ پاکستانی تارکین وطن دے مثبت کردار دی تعریف کیتی۔ ݙوہیں پاسوں ݙوطرفہ تعاون کوں مزید تکڑا بݨاوݨ تے بدلدی ہوئی صورتحال تے نیڑے رابطے وچ رہݨ دا عزم دا کیتے۔
