راولپنڈی۔ 10 مئی (اے پی پی) پاکستان دی مسلح فوج دے ترجمان لیفٹیننٹ جنرل احمد شریف چوہدری آکھیا جو بھارت طیاریاں فضا توں پاکستان دے نور خان ایئر بیس، مرید بیس تے شور کوٹ ایئر بیس تے میزائل سٹیِن، پاک فضائیہ دے سارے اثاثے محفوظ ہِن، بھارت افغانستان تے وی میزائل تے ڈرون حملے کیتے۔ او جمعے تے ہفتے دی ادھ رات کوں میڈیا کوں بریفنگ ݙیندے پئے ہن۔ ڈی جی آئی ایس پی آر دا آکھݨ ہا جو بھارت اپݨی ننگی جارحیت جاری رکھیندے ہوئیں آپݨے طیاریاں توں فضا توں زمین تے میزائل سٹیے جِنہاں دا ہدف نور خان ایئر بیس، مرید بیس تے شور کوٹ ایئر بیس ہا تاں جو پاک فضائیہ دے سارے اثاثے محفوظ ہِن۔ ڈی جی آئی ایس پی آر ݙسایا جو بھارت افغانستان تے وی میزائل سٹے تے ڈرونز حملے کیتِن۔ انہاں آکھیا جو بھارت آپݨے پاگل پن، جارحیت تے مکاری نال خطے کوں خطرناک جنگ آلے پاسے سٹیندا پئے۔ انہاں بھارت کوں مخاطب کریندے ہوئے آکھیا جو اساں ایں (بھارت) دی طاقت، مکاری، جارحیت توں ڈرݨ آلے نئیں، بس او ساݙے جواب دا انتظار کرے۔
