اسلام آباد۔10 مئی (اے پی پی) وزیرِ اعظم محمد شہباز شریف عوامی نیشنل پارٹی دے سربراہ ایمل ولی خان اتے استحکام پاکستان پارٹی دے رہنما اتے وفاقی وزیر عبدالعلیم خان نال ٹیلی فون تے ڳالھ مہاڑ کیتی اتے خطے دی اڄوکی صورتحال تے انہاں کوں اعتماد اچ گھدا۔ 1 ہفتے کوں وزیرِ اعظم آفس دے میڈیا ونگ توں جاری بیان موجب وزیرِ اعظم بھارتی جارحیت تے پاکستان ولوں آپریشن بنیان المرصوص دی صورت اچ جوابی کارروائی دی حمایت تے ایمل ولی خان اتے عبدالعلیم خان دا شکریہ ادا کیتا۔ ݙوہاں رہنماواں اڄوکی کشیدگی اچ ملک اتے قوم دی مثالی قیادت کرݨ تے وزیرِ اعظم کوں خراجِ تحسین پیش کیتا۔ ایمل ولی خان اتے عبدالعلیم خان بھارت کوں بھرپور جواب ݙیوݨ تے پاکستانی فوج دی پیشہ ورانہ مہارت اتے عزم کوں سلام پیش کیتا۔ ایں موقع تے رہنماواں وزیرِ اعظم نال ڳالھ مہاڑ کریندے ہوئیں آکھیا جو وطنِ عزیز دے دفاع کیتے پوری قوم اپݨی بہادر افواج پاکستان دے مونڈھے نال مونڈھا رَلا تے کھڑی اے۔
