وزیر اعظم شہباز شریف دا صدر ٹرمپ دی قیادت، عالمی امن کیتے وابستگی تے جنوبی ایشیا اچ دیرپا امن کیتے اچ اہم کردار تے شکریہ

اسلام آباد۔ 11 مئی (اے پی پی) وزیر اعظم محمد شہباز شریف صدر ٹرمپ دی قیادت، عالمی امن کیتے وابستگی تے جنوبی ایشیا اچ دیرپا امن کیتے اچ اہم کردار تے شکریہ ادا کیتا۔  سماجی رابطے دی ویب سائٹ ایکس تے ہفتے کوں آپݨی ہک پوسٹ اچ وزیر اعظم آکھیا جو کئی ݙھاکیاں توں پاکستان تے امریکہ آپݨے آپسی فیدے دے تحفظ تے ودھارے دے نال نال دنیا دے اہم حصیاں اچ امن تے سلامتی کیتے رَل تے بطور سانجھے دار کم کیتے۔ اُنھاں ایں یقین دا اظہار کیتا جو پاکستان کوں صدر ٹرمپ دی شکل اچ ہک بہترین پارٹنر ملیے جیہڑا ݙونھاں ملکاں دی سٹریٹجک سانجھے داری کوں ولا مضبوط کر سڳدے اتے نہ صرف تجارت تے سرمایہ کاری بلکہ تعاون دے ٻئے سارے شعبیاں اچ پاکستان تے امریکہ دے ݙوپاسہ تعلقات کوں مستحکم کر سڳدے۔