اسلام آباد۔ 12 مئی (اے پی پی) مسعود اظہر دے بھرا حافظ عبدالرؤف دے ماریے ونڄݨ دیاں خبراں بھارتی میڈیا اچ زیر گردش ہن۔ بھارتی حکومت تے میڈیا ݙوہیں ایں حوالے نال کوڑا پروپیگنڈا کرݨ اچ مصروف ہن۔ مولانا حافظ عبدالرؤف دی نماز جنازہ دیاں تصویراں برطانیہ اچ تعینات بھارتی سفیر سکائے نیوز دے پروگرام اچ ݙکھائن۔ حافظ عبدالرؤف دے ماریے ونڄݨ دی خبر بے بنیاد تے کوڑی اے ۔ ڈی جی آئی ایس پی آر پریس کانفرنس اچ حافظ عبدالرؤف دے ماریے ونڄݨ دے بھارتی پروپیگنڈے کوں بے نقاب کر ݙتے۔ پریس کانفرنس دے دوران ثبوت دے طور تے حافظ عبدالرؤف دا تازہ وڈیو بیان میڈیا دے سامݨے پیش کیتا ڳئے۔ حافظ عبدالرؤف پاکستان دی سیاسی جماعت نال منسلک ہن۔ بھارتی حکومت حافظ عبدالرؤف دیاں تصویراں دا غلط استعمال کریندے عالمی سطح تے پاکستان کوں بدنام کرݨ دی ناکام کوشش کیتی۔ بھارت دا اے وطیرہ رہیے جو بغیر کہیں ثبوت دے الزام پاکستان تے لا ݙیندے۔
