وزیراعظم شہباز شریف دا کرد گروپ ’’ پی کے کے‘‘ دی تحلیل دے اعلان دا خیر مقدم

اسلام آباد۔12 مئی(اے پی پی) پاکستان کرد گروپ ’’ پی کے کے‘‘ دی تحلیل دے اعلان دا خیر مقدم کریندے اینکوں دہشت توں پاک ترکیہ تے پائیدار امن دے قیام دے پاسے ھک اہم قدم قرار ݙتے۔ وزیراعظم محمد شہباز شریف ’’ایکس‘‘ تے آپݨے سنھیے اچ آکھیے جو اے تاریخی پیشرفت ترکیہ دی قیادت رجب طیب اردوان تے ترک قوم دے مفاہمت، اتحاد تے استحکام دے پاسے گامزن رہݨ دے غیر متزلزل عزم کوں ظاہر کریندی اے۔ وزیراعظم آکھیے پاکستان تے ترکیہ ہر قسم دی دہشت گردی کوں مندھوں مکاوݨ دا عزم کیتا ہویا اے۔