ماسکو۔ 12 مئی (اے پی پی) چیئرمین سینیٹ سید یوسف رضا گیلانی اپݨے دورہ روس دے اچ ماسکو وچ گمنام سپاہیاں دی یادگار تے حاضری ݙتی اتے گلدستہ رکھ تے ݙوجھی جنگ عظیم وچال اپݨیاں جاناں دا نذرانہ پیش کرݨ آلیاں کوں خراج عقیدت پیش کیتا۔ سینیٹ سیکرٹریٹ توں جاری بیان موجب چیئرمین سینیٹ یوسف رضا گیلانی انہاں سپاہیاں دیاں قربانیاں کوں سراہیا جنہاں روس دے دفاع وچ اپݨیاں جاناں دا نذرانہ پیش کیتا۔ انہاں روایت دے مطابق کجھ لمحیاں دی خاموشی اختیار کر تے شہداء دی یاد وچ احترام دا اظہار وی کیتا۔ چیئرمین سینیٹ دے ایں عمل کوں روسی عوام ولوں ٻہوں قدر دی نگاہ نال ݙٹھا ڳیا جیہڑا ݙوہاں ملکاں وچال دوستانہ تعلقات دی گہرائی کوں نشابر کریندے۔
