اسلام آباد۔12 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار کوں آسٹریلیا دی وزیر خارجہ سینیٹر پینی وونگ ٹیلی فون کیتا۔ سنوار کوں دفتر خارجہ موجب نائب وزیراعظم آسٹریلوی وزیر خارجہ کوں ݙسیا جو پاکستان بحران دے دوران تحمل دا مظاہرہ کیتا تے اقوام متحدہ دے چارٹر تے بین الاقوامی قانون دے مطابق صرف اپݨے دفاع دا حق استعمال کیتے۔ انہاں آکھیا جو پاکستان علاقائی امن تے سلامتی کیتے ذمہ وارانہ انداز اچ کم جاری رکھیسی۔ وزیر خارجہ سینیٹر وونگ صورتحال تے تشویش دا اظہار کیتا تے جعفر ایکسپریس حملے اچ معصوم جاناں دے ضیان تے تعزیت کیتی۔ انہاں پاکستان تے بھارت وچال جنگ بندی دے اعلان دا خیرمقدم کیتا تے امید کیتی جو ایندے نال دیرپا امن قائم تھیسی۔
