اسلام آباد۔12 مئی (اے پی پی)پاکستان کردستان ورکرز پارٹی (پی کے کے) دی تحلیل دے اعلان دا خیر مقدم کیتے۔ ترجمان دفتر خارجہ ہک بیان اچ آکھیے جو پاکستان دی حکومت کردستان ورکرز پارٹی کوں تحلیل کرݨ دے اعلان دا خیرمقدم کریندی اے۔ ترجمان آکھیا جو اساں ایں پیش رفت کوں پائیدار امن اتے استحکام کیتے ہک اہم قدم سمجھدے ہیں۔ انہاں آکھیا جو ڳوڑھے برادرانہ رشتیاں اچ ٻدھیے ہوئے پاکستان اتے ترکیہ انسداد دہشت گردی دیاں کوششاں سودھا باہمی دلچسپی دے ٻئے سارے شعبیاں اچ ہمیشہ ہک ٻئے دی حمایت کیتی اے۔
