لکھنو۔ 13 مئی (اے پی پی) بھارتی ریاست اتر پردیش اچ پولیس سوشل میڈیا تے پاکستان دی حمایت اچ پوسٹ کرݨ تے ہِک مسلمان نینگر کوں گرفتار کر گِھدِّے۔ کشمیر میڈیا سروس موجب، ضلع سنبھل دے رہݨ آلے 27 سالہ مسلمان نینگر جماعت علی کوں آپݨے فیس بک پیج تے پاکستان دی حمایت اِچ ویڈیو شیئر کرݨ تے گرفتار کر تے جیل بھیڄ ݙِتا ڳئِے۔ جماعت علی فیس بک تے پاکستانی فضائیہ ولوں بھارتی رافیل طیارے کوں مار ݙہاوݨ دے دعوے بارے ویڈیو پوسٹ کیتی ہئی۔ پولیس دعویٰ کیتا جو جماعت علی پاکستان دی حمایت اِچ ٻیّاں پوسٹاں اَتے ویڈیوز وی فیس بک تے شیئر اَتے لائیک کیتِن۔
