اسلام آباد۔14مئی (اے پی پی) قومی اسمبلی کوں ݙسایا ڳئے جو ہݨ تئیں 13 لکھ افغان پناہ گزیناں کوں وطن واپس روانہ کر ݙتا ڳئے۔ قومی اسمبلی دے اجلاس اچ انجم عقیل خان دے سوال تے پارلیمانی سیکرٹری مختارعلی ملک ایوان کوں ݙسائے جو ملک اچ 30 لکھ دے نیڑے افغان پناہ گزین ہن، جیندے اچ 8 لکھ 13 ہزارکنے ای سی سی کارڈز ہن، 13 لکھ افغان پناہ گزیناں کنے پی او آر کارڈز ہن۔ انہاں ݙسائے جو ہݨ تئیں 13 لکھ افغان پناہ گزیناں کوں وطن واپس روانہ کر ݙتا ڳئے، ون ڈاکومنٹ رجیم دے تحت جیڑھے افغان شہری پاکستان آوݨ چاہندن انہاں کیتے دروازے کھلئے پئن ، جیڑھا وی افغان شہری علاج، تعلیم یا کاروبار کیتے آوݨ چاہندے انہاں کوں متعلقہ دستاویزات دے نال ویزہ گھن تے پاکستان آوݨا ہوسی۔
