اسلام آباد۔ 14 مئی (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو اڄوکی بھارتی جارحیت دے دوران پی ٹی وی، سرکاری نشریاتی اداریں اتے قومی میڈیا اپݨیاں ذمے واریاں چنڳی طرح نبھائن۔ قومی اسمبلی اجلاس اچ سوالاں دے وقفے ویلھے ڈاکٹر شہلا رضا دے سوال تے پارلیمانی امور دے وفاقی وزیر ڈاکٹر طارق فضل چوہدری ایوان کوں ݙسائے جو پی ٹی وی انٹرنیشنل میڈیا رائٹس اتے سٹریٹجک وعدیں کوں پورا کرݨ سانڳے بارے خرچے برداشت کیتن۔ اڄوکی بھارتی جارحیت دے دوران ملک نازک حالات اِچوں گزردا پیا ہئی جیندے اچ پی ٹی وی اتے سرکاری نشریاتی اداریں اپݨیاں ذمہ واریاں چنڳی طرح نبھائن۔ انہاں آکھیے پاکستان دے میڈیا بین الاقوامی طور تے میڈیا دی جنگ درست اتے حقائق تے مبنی رپورٹنگ نال جتی اے۔ ساݙے میڈیا فعال اتے ذمہ دارانہ کردار نبھائے ۔ انہاں آکھیے جو پی ٹی وی نال جڑیے مسئلے کوں حل کیتا ویندا پئے
