اسلام آباد۔ 14 مئی (اے پی پی) سپیکر قومی اسمبلی سردار ایاز صادق سی ایم ایچ راولپنڈی دا دورہ کیتے اتے معرکہ حق اچ زخمی تھیوݨ آلے پاک فوج دے جواناں دی عیادت کیتی۔ سپیکر قومی اسمبلی زخمی جواناں دی خیریت پچھی اتے انہاں دی وختی صحت یابی سانڳے دعا منڳی ۔ سردار ایاز صادق پاک فوج دے زخمی جواناں دی جرات و بہادری کوں خراج تحسین پیش کیتے۔ سپیکر قومی اسمبلی سردار ایاز صادق معرکہ حق دے شہداء کوں خراج عقیدت پیش کیتے اتے آکھیے جو معرکہ حق دے شہداء اتے غازی ساݙے متھے دا جھومر ہن۔ قوم اپݨے شہداء دیاں قربانیاں کوں کݙاہیں وی نہ بُھلسی۔ سپیکر قومی اسمبلی مسلح افواج دی پیشہ ورانہ مہارت دی تعریف کیتی اتے آکھیے جو پاکستان دی مسلح افواج مکار دشمن کوں دندان شکن جواب ݙتا۔ پاک فوج دے جواناں اپݨیاں جاناں دی پرواہ کیتے بغیر مادر وطن دا دفاع کیتے۔ قوم کوں اپݨی مسلح افواج تے ماݨ اے ۔ساݙی مسلح افواج ہر محاذ تے دشمن کوں جِھکا تھیوݨ تے مجبور کیتے۔ افواج پاکستان مادر وطن دے دفاع دی خاطرعظیم قربانیاں ݙتیاں۔ پوری قوم مسلح افواج دے نال سیسہ پلائی کندھ وانڳوں کھڑی اے۔ پاک افواج دی موجودگی اچ دشمن ملک دے پاسے میلی اکھ نال ݙیکھݨ دی جرات نی کرسڳدا ۔ پاکستان دیاں فوجاں کوں دنیا اچ وکھرا مقام حاصل اے۔ پوری قوم معرکہ حق دے زخمیاں دی وختی صحت یابی سانڳے دعا کریندی اے
