وزیرِاعظم شہباز شریف دا ’’بنیان مرصوص‘‘ دی فرنٹ لائن پسرور چھاؤنی سیالکوٹ دا دورہ، افسراں اتے جواناں نال ملاقات

پسرور۔ 14 مئی (اے پی پی) وزیرِاعظم محمد شہباز شریف ٻدھ کوں معرکہ حق وچال آپریشن ’’بنیان مرصوص‘‘ دی فرنٹ لائن پسرور چھاؤنی سیالکوٹ دا دورہ کیتا۔ وزیراعظم آفس دے میڈیا ونگ توں جاری بیان موجب وزیرِ اعظم معرکہ حق وچال آپریشن ’’بنیان مرصوص‘‘ اچ شریک افسراں اتے جواناں نال ملاقات کیتی۔ بیان موجب وزیراعظم آندے کجھ ݙینھاں اچ پاک فضائیہ اتے پاک بحریہ دے افسراں اتے جواناں نال ملاقات کیتے ائیر بیسز اتے نیول بیسز دا وی دورہ کریسن۔ نائب وزیرِاعظم تے وزیرِ خارجہ محمد اسحاق ڈار، وزیر دفاع خواجہ آصف، آرمی چیف جنرل سید عاصم منیر، ایئر چیف مارشل ظہیر احمد بابر سدھو، وفاقی وزرا احسن اقبال، عطاء اللہ تارڑ، آرمی کور کمانڈر سیالکوٹ اتے اعلیٰ سول اتے عسکری قیادت وزیراعظم دے دورے اچ انہاں دے نال ہن۔