اسلام آباد۔ 14 مئی (اے پی پی) نائب وزیراعظم اسحاق ڈار مرحوم سینیٹر پروفیسر ساجد میر دے انتقال تے ݙکھ اتے افسوس کیتا۔ بدھ کوں سینیٹ دے اجلاس اچ انہاں آکھیا جو پروفیسر ساجد میر 28 سال تئیں سینیٹ دے فعال رکن ریہے، ہر جماعت اتے ہر ساتھی انہاں دی شرافت، بردباری اتے تدبر دی تعریف کیتی، انہاں دا تعلق کشمیری نژاد گھرانے نال ہئی اتے سیالکوٹ انہاں دا آبائی علاقہ ہئی۔ انہاں آکھیا جو او ہک جید مذہبی سکالر ہووݨ دے نال نال پارلیمانی امور وچ وی غیر معمولی بصیرت رکھیندے ہن، ساجد میر ہمیشہ آپݨی کمیٹی کوں فعال اتے مؤثر انداز وچ چلیندے ریہے۔ انہاں دی استقامت دا اندازہ ایں ڳالھ توں لاتا ونڄ سڳدے جو انہاں کݙاہیں وی سیاسی وفاداریاں نی بدلیاں۔ انہاں آکھیا جو ایوان دی کارروائی وچ انہاں دی ڳھٹکی کوں شدت نال محسوس کیتا ویسی، اللہ تعالیٰ انہاں دے درجات بلند فرماوے، جنت الفردوس وچ اعلیٰ مقام عطا فرماوے اتے انہاں دے ٹبر کوں صبر تے حوصلہ ݙیوے۔
