اسلام آباد۔ 15 مئی(اے پی پی)پاکستان شام توں پابندیاں ہٹاوݨ دے امریکی فیصلے دا خیر مقدم کریندے آکھیے جو اے علاقائی استحکام اتے اقتصادی بحالی دو ہک اہم قدم اے۔ دفتر خارجہ دے ترجمان آکھیے جو پاکستان مسلسل تعمیری مشغولیت اتے ڳالھ مہاڑ دی وکالت کیتی اے، توقع اے جو پابندیاں اچ نرمی نال اقتصادی ترقی اچ سہولت ہوسی، ضروری خدمات تئیں رسائی اچ بہتری آسی اتے شام دے حکام کوں تعمیر نو دیاں کوششاں اچ مدد ملسی۔ انہاں آکھیا جو اساں سارے ملکاں خاص کر امریکہ، ترکیہ، سعودی عرب اتے قطر دے عزم کوں سراہندے ہیں جیڑھے ہک پرامن شام کیتے تعمیری طور تے کم کریندے پئن۔ ترجمان آکھیا جو پاکستان شام دی زیر قیادت قرارداد دی حمایت کریندہے اتے او شام دے اتحاد، خودمختاری اتے علاقائی سالمیت دی حمایت اچ ثابت قدم اے۔
