کراچی: 19 مئی (اے پی پی) سندھ مدرستہ الاسلام یونیورسٹی ولوں کمپیوٹنگ اتے متعلقہ ٹیکنالوجیز دے موضوع تے 2 ڈینھ دی چوتھی بین الاقوامی کانفرنس 21 توں 22 مئی کوں تھیسی۔ ممتاز ریسرچ اسکالرز کمپیوٹنگ، مصنوعی ذہانت اتے معاشرے دے مستقبل دی تشکیل تے آپݨے خیالات دا اظہار کریسن۔ مقررین اچ اے آئی، پائیداری اتے سوسائٹی 5.0 دے عالمی شہرت یافتہ ماہر پروفیسر ڈاکٹر مارٹن مائیر، وائرلیس سینسر نیٹ ورکس، ڈیجیٹل ٹوئنز اتے انسٹرومینٹیشن اچ آپݨی 40 سال توں ودھ تحقیق کیتے مشہور پروفیسر ڈاکٹر بھوانی شنکر چودھری، ہیلتھ کیئر دے ماہر ڈاکٹر پروفیسر ڈاکٹر ندیم محمود، ممتاز پروفیسر اتے ریکٹر ڈاکٹر طارق رحیم سومرو، اے آئی اتے آئی او ٹی دے ذریعے زراعت کوں تبدیل کرݨ دے ماہر پروفیسر ڈاکٹر عقیل الرحمان، ڈیجیٹل ٹرانسفارمیشن آرکیٹیکٹ ڈاکٹر رانا شہزاد قیصر اتے ٻئے شامل ہن۔ انٹرنیشنل کانفرنس دے کنوینر اتے ڈین فیکلٹی آف آئی ٹی ڈاکٹر آفتاب احمد شیخ آکھیا جو انٹرنیشنل کانفرنس دا افتتاحی اجلاس 21 مئی بدھ دے ڈینھ 9 وڄے سر شاہنواز بھٹو آڈیٹوریم اچ تھیسی۔ ٻئے ریسرچ اسکالرز دے علاوہ چیئرمین ایچ ای سی سندھ ڈاکٹر طارق رفیع اتے وائس چانسلر ایس ایم آئی یو ڈاکٹر مجیب صحرائی افتتاحی اجلاس توں خطاب کریسن۔ انہاں ٻیا آکھیا جو افتتاحی سیشن دے بعد شام 5 وڄے تئیں تکنیکی سیشنز ہوسن۔
