کشیدگی وچ ودھارا علاقائی امن، سلامتی اتے استحکام کیتے سنگین خطرہ اے، او آئی سی

ریاض۔ 14 جون (اے پی پی) اسلامی تعاون تنظیم (او آئی سی) اتے رابطہ عالم اسلامی ایران تے اسرائیلی حملیں دی شدید مذمت کریندے آکھیے جو کشیدگی وچ ودھارا علاقائی امن، سلامتی اتے استحکام کیتے سنگین خطرہ اے۔ ایس پی اے موجب او آئی سی توں جاری بیان وچ ایں ڳالھ ترے زور ݙتا ڳئے جو کشیدگی وچ ودھارا علاقائی امن، سلامتی اتے استحکام کیتے سنگین خطرہ اے۔ بیان وچ عالمی برادری بالخصوص اقوام متحدہ دی سلامتی کونسل تے زور ݙتا ڳئے جو اوہ جارحیت مکاوݨ کیتے وختی اتے فیصلہ کن اقدامات کریندے اپݨیاں قانونی اتے سیاسی ذمہ واریاں پوریاں کرے۔ رابطہ عالم اسلامی بیان وچ خبردار کیتا جو بین الاقوامی قانون دی خلاف ورزی، سنگین خلاف ورزی عالمی امن و سلامتی کیتے خطرناک نتیجے دا پیش خیمہ وی بݨ سڳدن ۔ ایں توں پہلے سعودی وزارت خارجہ بیان وچ ایران دے خلاف اسرائیلی صریح جارحیت دی مذمت کیتی ہئی۔